விசைத்தறி, கைத்தறி இயங்காததால் அன்னிய செலாவணி பாதிப்பு: எடப்பாடி பழனிசாமி

செய்தித் துளிகள்

மேகதாது விவகாரம், காவிரி மேலாண்மை ஆணையத்தின் வரம்பிற்கு அப்பாற்பட்டது என்று மாநில நீர்வளத்துறை அமைச்சர் திரு துரைமுருகன் கூறியுள்ளார்.   |    நடப்பு நிதியாண்டில் நாட்டின் பணவீக்க விகிதம் 6.7 சதவீதமாக இருப்பதாக ரிசர்வ் வங்கி ஆளுநர் திரு சக்தி காந்த தாஸ் கூறியுள்ளார்.   |    வங்கிகளுக்கு ரிசர்வ் வங்கி வழங்கும் குறுகிய கால கடன்களுக்கான ரெப்போ வட்டி விகிதம் 0.5 சதவீதம் உயர்த்தப்பட்டுள்ளது. இதனையடுத்து வங்கிகள் வழங்கும் தனிநபர் கடன், வாகனக்கடன், வீட்டுக்கடன் ஆகியவற்றுக்கான வட்டி விகிதமும் உயருகிறது.   |    பொறியியல் படிப்புகளுக்கு வரும் 20-ஆம் தேதி முதல, அடுத்த மாதம் 19-ஆம் தேதிவரை விண்ணப்பிக்கலாம் என்று மாநில உயர்கல்வித்துறை அமைச்சர் திரு பொன்முடி கூறியுள்ளார்.   |    பெருநகர சென்னை பகுதிகளில் அடுக்குமாடி கட்டிடங்களை கட்டுவதற்கு சிஎம்டிஏ அலுவலகத்திலேயே விண்ணப்பிக்கலாம் என்று மாநில அமைச்சர் திரு முத்துசாமி தெரிவித்துள்ளார்.   |    இந்தியா – தென்னாப்பிரிக்கா இடையிலான டுவென்டி – டுவென்டி கிரிக்கெட் போட்டித்தொடர் புதுதில்லியில் நாளை தொடங்குகிறது.   |    உணவு பாதுகாப்பு குறியீட்டில் தமிழகம் கடந்த நிதியாண்டில் முதலிடம் பெற்றுள்ளதையடுத்து தமிழக ஆளுநர் திரு ஆர் என் ரவி வாழ்த்து தெரிவித்துள்ளார்.   |    வேளாண் விளைபொருட்களுக்கான குறைந்தபட்ச ஆதரவு விலை நடப்பு பருவத்திற்கு உயர்த்த மத்திய அமைச்சரவை ஒப்புதல் அளித்துள்ளது.   |    நெல்லையில் காணாமல் போன ரூ 20 லட்சம் மதிப்பிலான 104 கைப்பேசிகளை நெல்லை மாநகர் காவல்துறை ஆணையர் திரு சந்தோஷ் குமார் உரியவர்களிடம் ஒப்படைத்தார்.   |    கடந்த 2014 ஆம் ஆண்டு முதல் மத்திய அரசு மேற்கொண்ட நடவடிக்கைகள் மூலம் பொருளாதாரத்தையும், மக்களையும் பாதுகாக்க முடிந்ததாக மத்திய நிதியமைச்சர் திருமதி நிர்மலா சீதாராமன் கூறியுள்ளார் .   |   

Big breaking :

உள்ளூர் முதல் உலக செய்திகள் வரை தாங்கிக்கொண்டு உங்கள் அனைவரின் பேராதரவோடு 48 லட்சம் பார்வையாளர்களை கடந்துள்ளோம் என்பதை மகிழ்வுடன் பகிர்ந்து கொள்கிறோம்!   |   

விசைத்தறி, கைத்தறி இயங்காததால் அன்னிய செலாவணி பாதிப்பு: எடப்பாடி பழனிசாமி

சென்னை தலைமை செயலகத்தில் மாநிலங்களவை எம்பி பதவிக்கு அதிமுக வேட்பாளர்கள் வேட்புமனு தாக்கல் செய்த பின்னர் நிருபர்களிடம் அதிமுக இணை ஒருங்கிணைப்பாளர் எடப்பாடி பழனிசாமி கூறியதாவது: திமுக ஆட்சியில் ஓராண்டு காலம் ஆகியும், எந்த திட்டமும் நிறைவேற்றப்படவில்லை.

அதிமுக ஆட்சியில் போடப்பட்ட திட்டங்களுக்கு முதல்வர் மு.க.ஸ்டாலின் அடிக்கல் நாட்டிக்கொண்டிருக்கிறார். தமிழ்நாட்டில் கஞ்சா விற்பனை அதிகளவில் உள்ளது. டிஜிபி, கஞ்சா விற்பனையை கட்டுப்படுத்த ஆபரேஷன் 2.0 என அறிவிக்கிறார். சுகாதாரத்துறை அமைச்சர் 102 டன் கஞ்சா பிடிபட்டுள்ளதாக தெரிவிக்கிறார்.

கொள்கை விளக்க குறிப்பில், கஞ்சா தொடர்பாக, 2200 வழக்குகள் பதிவு செய்யப்பட்டு, 148 பேர் கைது செய்யப்பட்தாக தெரிவித்தனர். ஆன் லைன் ரம்மியை தடை செய்ய வேண்டும் என ஓபிஎஸ், நான் அறிக்கை விட்டோம். திமுக அரசு, உயர் நீதிமன்றம் சொன்னதுபோல், தனி சட்ட திருத்தம் கொண்டு வந்து ஆன்லைன் ரம்மியை தடை செய்ய வேண்டும். ஆன்லைன் ரம்மி குறித்து, சில நடிகர்கள் செய்யும் விளம்பரத்தை பார்த்து ஏமாற வேண்டாம். அதிக பணம் கிடைக்க சூழ்ச்சி செய்வார்கள், பின்னர், உங்களின் பணம் பறிப்போகும் என்றும், குடும்பமே சீரழித்து விடும் எனவும் தமிழக டிஜிபி தெரிவிக்கிறார். நூல் விலை உயர்வால் ஈரோடு, சேலம் உள்ளிட்ட மாவட்டங்களில் விசைத்தறி, கைத்தறி இயங்கவில்லை. அன்னிய செலாவணி பாதிக்கப்பட்டுள்ளது.

* ஏழுமலையா, அண்ணாமலையா? குழப்பத்தில் எடப்பாடி பழனிசாமி
எடப்பாடி பழனிசாமி கூறும்போது, அதிமுக வேட்பாளர்களுக்கு பாமக தலைவர் அன்புமணி, பாஜ தேசிய தலைவர் நட்டா, பாஜ மாநில தலைவர் அண்ணாமலை ஆகியோர் ஆதரவு தெரிவித்தனர். அவர்களுக்கு நன்றி தெரிவித்துக் கொள்கிறேன் என்றார். தமிழக பாஜ தலைவர் பெயரை குறிப்பிடும்போது, பாஜ மாநில தலைவர் ஏழுமலை... என்று கூறி விட்டார். இதனால் குழப்பம் அடைந்த முன்னாள் அமைச்சர் வேலுமணி, ஏழுமலை இல்லை அண்ணாமலை என்றார். உடனே எடப்பாடி சுதாரித்துக் கொண்டு, பாஜ மாநில தலைவர் அண்ணாமலை என்று திருத்தி குறிப்பிட்டார். இதனால் அங்கு கூடி இருந்த அதிமுக நிர்வாகிகள் மற்றும் பத்திரிகையாளர்கள் சிரித்துவிட்டனர். ஏற்கனவே எடப்பாடி பழனிசாமி, ராமாயணத்தை எழுதியவர் சேக்கிழார் என்றார். தற்போது அண்ணாமலைக்கு பதில் ஏழுமலை என்று பேசியது குறிப்பிடத்தக்கது.

Comments




Comments

No Comments